Акыркы эки күндө Бишкекте сууктан 12 киши каза болду

Жазылуу
Акыркы он күндө Тез жардамдын кызматкерлери көчөлөрдөн селсаяк болуп жүргөн 11 кишини алып, оорукана менен социалдык баш калкалоочу жайларга жеткирген.

БИШКЕК, 26-ноя. — Sputnik. Борбор калаада акыркы эки күн ичинде сууктан ондон ашык киши каза болуп калды. Бул тууралуу республикалык соттук-медициналык экспертизанын директору Данияр Кошоков Sputnik Кыргызстан агенттигине билдирди.

Акыркы эки күн ичинде күн кескин сууктап кетти.

"24-ноябрдан 25ине караган түнү Бишкекте беш киши тоңуп каза тапкан. Алардын үчөө аял, экөө эркек. Ал эми 25-ноябрдан 26сына караган түнү бир аял жана алты эркек киши, жалпысынан жети адам көз жумду", — деп айтты Кошоков.

Акыркы он күндө Тез жардамдын кызматкерлери көчөлөрдөн селсаяк болуп жүргөн 11 кишини алып, оорукана менен социалдык баш калкалоочу жайларга жеткирген. Муну Саламаттык сактоо министрлигинин маалымат катчысы Жылдыз Айгерчинова билдирди.

Ал эми 27-ноябрга караган түнү, сууктун күчү –10 градус болору айтылды.

Бишкек шаарында учурда баш калкалоочу үч жай иштеп жатат. Бул жайларга бара турган жери жок адамдар кайрылса болот.

Снегопад в Бишкеке - Sputnik Кыргызстан
ӨКМ кайрадан шашылыш билдирүү таратты. Күн кескин сууктайт
Жибек Жолу № 413 дарегинде "Коломто" уюму иштейт. Учурда бул жерде 74 адам бар. Бирок үй-жайы жок, көчөдө жүргөн деп катталып, жашап тургандардын саны 80ден ашат. "Коломтонун" телефону — 30-48-55.

Фере көчөсүндөгү №34а үйүндө ушундай дагы бир жай иштөөдө. Анда 51 киши баш калкалап турат. Телефону: 36-03-35.

Көчөдө калгандар Токомбаев көчөсүндө жайгашкан "Тазалык" ишканасынын имаратына келип баш калкаласа болот. Телефону: 51-19-38.

Аталган жайларда бир маал ысык тамак жана ысык чай берилери айтылды.

Жаңылыктар түрмөгү
0