БИШКЕК, 14-ноя. — Sputnik. Япониянын командасы пенальтиден топ тээп, эсепти 0:1 кылышты. Оюнду тейлеп жаткан аравиялык калыс оюндун биринчи таймы аяктап бара жатканда пенальти дайындаган.
Буга дарбазачы Кутман Кадырбековдун колу атаандаш команданын чабуул коюп келе жаткан футболчусу Такуми Минаминого тийип кеткендиги себеп болгон.
Белгилей кетсек, оюн 2022-жылы өтө турган Дүйнө чемпионатынын тандоо турунун алкагында өтүүдө.
Sputnik Кыргызстан агенттиги стадион менен фан-зонадан тексттик трансляция жүргүзүп жатат.
