БИШКЕК, 27-окт. — Sputnik. Бишкекте медициналык борборлордун биринин атайын унаасы менен Toyota Camry үлгүсүндөгү жеңил автокөлүк кагышты.
Маалыматты Бишкек шаарынын Жол кыймылы коопсуздугун көзөмөлдөө башкармалыгынан тастыкташты. Жол кырсыгы жекшемби күнү саат 7:30дар чамасында Тыныстанов жана Фрунзе көчөлөрүнүн кесилишиндеги ИИМдин имаратынын жанында болгон.
Кырсыктан кийинки видео "Короче" Telegram-каналына жүктөлдү.
Болжолдуу маалыматка ылайык, окуядан эки адам жабыркаган. Кырсыктын чоо-жайы такталууда.
