БИШКЕК, 21-окт. — Sputnik. "Электр станциялары" ишканасынын директорунун орун басары Азамат Жөөтуманов дүйнөдөн мезгилсиз кайтты. Бул тууралуу "Улуттук энергохолдингдин" маалымат кызматынан билдиришти.
Жөөтуманов 39 жашта болчу, артында төрт баласы калды. "Электр станциялары" ишканасынын маалымат кызматынан билдиришкендей, анын өлүмүнүн болжолдуу себеби — жүрөк оорусу (кандын уюшу менен байланыштуу).
Эске салсак, үстүбүздөгү жылдын март айында "Электр станциялары" ишканасынын директору Аскар Эшимбеков дагы көз жумган. Анын өлүмүнө дарыгерлер күнөөлүү экенин маркумдун жубайы Фатима Эшимбекова айтып чыккан.
Соңку маалыматтар боюнча, Саламаттык сактоо министрлиги ички иликтөө иштерин жүргүзүп, Эшимбековдун өлүмүнүн себебин аныктай албай койгон. Маркумдун ордуна Таалайбек Толубаев дайындалган.
