БИШКЕК, 21-окт. — Sputnik. Казакстанда кыргыз жана армян номерлүү автоунаалар менен жол эрежесин бузган айдоочуларга салынган айып пулдар алар жашаган мамлекетке жөнөтүлөт. Бул тууралуу Казакстандын Башкы прокуратурасынын укуктук статистика жана атайын эсепке алуу комитетинин сайтында жарыяланды.
Нур-Султан, Алматы, Шымкент шаарлары менен Акмоло, Актөбө, Атырау, Чыгыш Казакстан, Караганда, Костанай, Мангустоо жана Павлодар облустарында жол эрежелерин бузган чет элдик номерлүү айдоочуларга айып пулдар 21-октябрдан тарта алар жашаган өлкөгө жибериле баштайт.
Аталган мекеме акыркы үч жылда Казакстанда чет элдик номер тагылган автоунаалардын жол эрежени бузушу эки эсеге өскөндүгүн кабарлаган. Мындай абал жол эрежесин бузган чет элдик айдоочуларга карата жогорудагыдай талапты иштеп чыгууга түрткү болгон.
Биздин Telegram-каналга жазылыңыз.
