БИШКЕК, 20-окт. — Sputnik. 26-27-октябрда Бишкекте жыл сайын болуучу жарманке-көргөзмө өтөт. Анда алармандардын назарына таза азыктар сатыкка коюлат.
Жарманке Медеров көчөсүндөгү Кыргыз улуттук агрардык университетинин алдындагы аянтта уюштурулат. Анда бал, Нарын менен Таластын эт азыктары, мөмө-жемиштер болот. Ошондой эле улуттук суусундуктар жана кол өнөрчүлөрдүн эмгектери коюлат.
Иш-чаранын алкагында айыл чарба продукцияларын өндүрүүдөгү тоскоолдуктар боюнча талкуулар да уюштурулат. Балдар үчүн мастер-класстар болуп, элдик чыгармачылык топтор өз өнөрлөрүн тартуулайт.
Толук маалыматты (0550) 21-55-11, (0709) 28-83-39 телефондору аркылуу алсаңыздар болот.
