Ирландиялык Килкенни графтыгында аркы дүйнөгө узап кеткен маркум муңайган элди күлдүргөндүгүн The Daily Mail ресурсу жазды.
Бредли менен коштошуу 12-октябрда болгон. Зыйнат учурунда каккылаган үн угулуп, элге табыттан чыкканга аракет кылып жаткандай элес берет. Андан соң колонкадан муркумдун үнү угулуп баштаган.
"Эй-эй? Мен деги кайда жатам? Ай, мени бул жерден чыгарып койгулачы? Капкараңгы экен! Бул ким? Бул Шейби? Үкөктө жаткан турбаймынбы! Мен ал жакта эмес, алдыңарда турам! Ой, өлүп бара жатам, чыгарып койгулачы?" — деген үн чыгып жатканын угууга болот.
Бул көрүнүштөн кийин азага келгендер, албетте, күлгөнгө аргасыз болгон. Андан соң "коштошуу үчүн силерге чалдым" деп ырдап жатканын угууга болот.
Here is a picture of the legend himself. My dad, Shay Bradley. It was his dieing wish that we played this at his funeral. What a man.... To make us all laugh when we were incredibly sad..... He was some man for one man.... Love you forever Poppabear #Shayslastlaugh pic.twitter.com/YkG2ecKAaL
— Andrea (@Andrea36496119) 13 октября 2019 г.
Шей аны көмүүгө келгендерди тамаша салган учурун ырдап жана түшүнүксүз бир сөздөрдү кобурап айтуу менен аяктаган. Ал вокалдык чеберчилигин элге тартуулаганда күлбөгөн жан калган эмес.
Шей Брэдлинин аркы дүйнөгө кетип жатканда жасаган бул жоругу социалдык тармакка жайылып, көп каралган. Twitter баракчасында муну 330 миң адам караса, Reddit порталында 140 000 лайк басылган.
Видео жазууну Ирландиянын куралдуу күчтөрүнүн ардагерлери Facebook тармагындагы баракчасына жарыялаган.
