БИШКЕК, 14-окт. — Sputnik. Милиция Бишкекте адашып кеткен эненин дайын-дарегин тактап, үйүнө аман-эсен жеткирди. Бул тууралуу ШИИББден билдиришти.
Эске салсак, буга чейин социалдык тармактарга карыган эне адашып кеткени боюнча билдирүүлөр тараган болчу.
"12-октябрь күнү саат 20.30дар чамасында 102 кызматына Батыш автовокзалы тарапта адашып кеткен эне жүргөнү тууралуу билдирүү түшкөн. Жерине милиция кызматкерлери барып, карыяны Биринчи Май райондук ички иштер бөлүмүнө алып келишкен", — деп айтылат маалыматта.
Текшерүү учурунда 1938-жылы туулган С.Б. аттуу эненин жашаган жери аныкталып, үйүнө аман-эсен жеткирилген.
