БИШКЕК, 12-окт. — Sputnik. Кыргызстандын футбол боюнча улуттук курама командасы Монголиянын Улан-Батор шаарына учуп кетти. Бул туурасында Футбол федерациясынын маалымат кызматы билдирди.
Улуттук команда 2022-жылкы дүйнө чемпионатына тандоо турунун алкагында Монголиянын футболчулары менен беттешмекчи. Оюн 15-октябрда жергиликтүү убакыт боюнча саат 16.00дө (Бишкек убактысы 14.00) башталат.
Кыргызстандын футболчулары буга чейин Бишкекте өткөн мелдеште Мьянманын курама командасын 7:0 эсебинде утуп, тандоо турундагы алгачкы жеңишин камсыздаган.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
