БИШКЕК, 2-окт. — Sputnik. 2020-жылкы эл жана турак жай фондун каттоого чейин өлкөдөгү бардык аталышы жок көчөлөргө ат берүү пландалып жатат. Бул тууралуу иш-чараны утурлай өткөрүлгөн жыйында айтылганын Улуттук статистика комитетинен билдиришти.
"Келерки жылдын 1-январына чейин аталышы жок көчөлөргө ат берип, үйлөрдүн номерлерин илүү пландалууда", — деп айтылат билдирүүдө.
Буга чейин биринчи вице-премьер Кубатбек Боронов билдиргендей, Кыргызстанда аталышы жок көчөлөр 5,3 пайызды түзөт. Алар Бишкек шаарында, Ош, Талас жана Баткен облустарында жайгашкан.
Белгилей кетсек, 2020-жылдын 27-мартынан тарта Кыргызстанда калкты жана турак жайды каттоо жүрөт. Иш-чараны өткөрүү үчүн 25 миң киши атайын окуудан өтүп, кыргызстандыктар 19 суроого жооп беришет.
