БИШКЕК, 22-сен. — Sputnik. Тажикстанда психикалык оорулуу киши Россиянын эки аскерине кол салып, алар жаракат алды. Бул тууралуу РИА Новости агенттиги жазды.
21 Аяк оона 2019, 22:42
Ага ылайык, Тажикстандын Хатлон облусундагы Бохтар шаарында жайгашкан Россиянын 201-аскер базасынын эки аскери базадан чыгып, жеке иштери менен шаарда жүргөндө психикалык оорулуу адам бычак менен кол салган.
Тажикстандын Ички иштер министрлиги берген маалымат боюнча, кол салган киши психиатриялык диспансерде каттоодо турат.
Жарадар болгон аскерлер Душанбедеги ооруканалардын бирине жеткирилген. Алардын абалы тууралуу так маалымат жок.
