БИШКЕК, 22-сен. — Sputnik. Интернетке бала бакчада оюнчук аттарды минип алып көк бөрү ойногон бөбөктөрдүн видеосу тарады.
Аны Facebook колдонуучусу Максат Чаки жүктөгөн.
Кадрдын бала бакчадан тартылганын байкоого болот. Андан он чактыдай бала оюнчук аттарды минип алып улак тартышып жүргөнүн көрүүгө болот. Колдоруна болсо камчы кармап алышкан. Тай казан катары ортого дөңгөлөк коюлган.
Бөбөктөрдү тарбиячы көзөмөлгө алган. Балдардын видеосу Кайрат Примбердиевдин "Көк бөрү" чыгармасы менен коштолот.
Белгилей кетсек, көк бөрү - өлкөдөгү эң популярдуу спорт түрлөрүнүн бири. Мамлекеттик жана эл аралык деңгээлдеги турнирлер өтүп турат. Маселен кечээ, 21-сентябрда, Таластагы Улуттук көчмөндөр оюндарында Чүйдүн спортчулары Оштун командасын утуп алды.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.
