Инсталляцияны шаардыктарга күн батары менен ачып беришти. Анда 88 прожектор талкаланган эгиз мунараны элестетип, асманды көздөй кеткен эки жарыкты берип турду.
Мындан он сегиз жыл мурда "Аль-Каида" террордук уюму АКШда төрт учакты ээлеп алып, алардын экөө Нью-Йорк шаарындагы Дүйнөлүк соода уюму жайгашкан эгиз мунараларга келип урунган.
Трагедиядан 2977 адам көз жумган. Алардын 343ү өрт өчүрүүчүлөр, 60ы полиция кызматкери болгон.
Терактыда каза болгондордун ичинде 19 террорчу болгону, алардын 15и Сауд Аравиясынын, экөө бириккен Араб Эмирлигинин, бирөө Египеттин, бирөө Ливандын жараны экени аныкталган.
Жыл сайын 11-сентябрь күнү АКШда патриоттор жана сыйынуу күнү белгиленет. Мында өлкө боюнча бардык федералдык имараттарда желектер түшүрүлүп, террактынын курмандыктары эскерилет.
