БИШКЕК, 10-сен. — Sputnik. Бишкек мэриясы жаш ишкерлер менен биргеликте желим бөтөлкөлөр үчүн атайын урналарды орнотуп жатат. Бул тууралуу муниципалитеттин маалымат кызматы кабарлады.
Бийиктиги эки метр болгон урналар вице-мэр Рыспек Сарпашовдун сунушу менен Түштүк магистралдагы жаңы паркка коюлду. Анын ичине миң желим бөтөлкө батат.
Чогулган бөтөлкөлөрдү долбоордун уюштуруучулары өздөрү түнкү саат 12:00дөн таңкы саат 5:00гө чейин алып кетип, кайра иштетүүчү цехтерге тапшырат.
"Учурда жаш ишкерлер дагы 60 урна жасоо үчүн демөөрчүлөр менен сүйлөшүп жатат. Бир урнанын баасы 7 миң сомду түзөт", — деп айтылат маалыматта.
Бишкек мэриясы калаа тургундарын жана конокторду желим бөтөлкөлөрдү атайын урналарга салууга чакырат.
