БИШКЕК, 1-сен. — Sputnik. Кыргызстанда 1-сентябрда күндүз кээ бир райондордо жамгыр жаап, бийик тоолуу райондордо кар түшүшү мүмкүн. Бул тууралуу Кыргызгидрометтен билдиришти.
Ага ылайык, батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге чейин жетиши ыктымал.
2-сентябрда түнкүсүн Чүй, Талас, Жалал-Абад, Ысык-Көл, Нарын облустарынын көпчүлүк аймактарында, Ош, Баткен облустарынын кээ бир райондорунда жамгыр жаап, тоолуу райондорго кар түшөт. Күндүз Ысык-Көл, Нарын облустарынын көпчүлүк аймактарында, Чүй, Талас, Жалал-Абад, Ош, Баткен облустарынын кээ бир райондорунда жамгыр жаайт.
3-4-сентябрда кээ бир райондордо жамгыр жаашы мүмкүн.
5-сентябрда көпчүлүк аймактарда жамгыр, тоолуу райондордо кар жаашы күтүлөт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге чейин жетиши мүмкүн.
6-сентябрда түнкүсүн көпчүлүк аймактарда, күндүз жана 7-сентябрда кээ бир райондордо жамгыр жаап, күн күркүрөшү ыктымал. Абанын температурасы өзгөрүлүп турат.
