БИШКЕК, 31-авг. — Sputnik. Россия лидери Владимир Путин Кыргызстандын элин жана президент Сооронбай Жээнбековду Эгемендүүлүк күнү менен куттуктады. Бул тууралуу мамлекет башчынын маалымат кызматынан кабарлашты.
Россия президенти эки өлкөнүн арасындагы өнүгүп жаткан мамиле жана ЕАЭБдин алкагындагы өз ара өнөктөштүккө токтолгон.
Кыргыз-орус мамилелери эзелтен келе жаткан достук салттарына жана өз ара сыйдын негизинде динамикалуу өнүгүп жаткандыгын белгилеген.
"Өлкөлөр ортосундагы мазмундуу саясий диалог, эң негизги түрдүү тармактардагы натыйжалуу кызматташтык жана ошондой эле Евразиялык интерграциялык процесстердин алкагындагы өз ара өнөктөштүк бардык деңгээлде жөнгө салынган. Мындан ары стратегиялык өнөктөштүктү жана Кыргызстан менен Россия ортосундагы союздаштыкты бекемдөө биздин боордош элдердин кызыкчылыктарына толук кандуу жооп берет, аймактык коопсуздук жана туруктуулукту камсыз кылуу багыттары жүргүзүлүүдө", — деп белгиленген Путиндин телеграммасында.
Путин Жээнбековго бекем ден соолук, ийгиликтерди, ал эми Кыргызстандын бардык жарандарына тынчтык жана гүлдөп-өнүгүүнү каалаган.
