БИШКЕК, 31-авг. — Sputnik. Кыргызстандык комузчулар Эламан жана Айбек Каныбековдор Өзбекстандын Самарканд шаарында өткөн XII эл аралык музыка фестивалында 1-орунду алышты. Бул тууралуу Sputnik Кыргызстан агенттигине Эламан Каныбеков билдирди.
Анын айтымында, фестивалга 80дей өлкөнүн таланттары келген.
Посмотреть эту публикацию в Instagram
"Иш-чарада ар бир мамлекет өзүнүн улуттук маданиятын көрсөттү. Айрымдары ырдап, бийлесе, кээ бири музыкалык аспапта кол ойнотушту. Фестивалга Индия, Кытай, АКШ, Россия, Иран, Түркия жана башка 80ге чукул өлкөдөн 300дөй өнөрпоз катышты", — деди Каныбеков.
Комузчу жигиттер фестивалда беш миң долларлык сертификат алышкан.
Посмотреть эту публикацию в Instagram
"Шарк Тароналари" эл аралык музыкалык фестивалы Самарканд шаарында 1997-жылдан бери уюштурулуп келет. Максаты — салттуу музыканы өнүктүрүп, жаштарга жайылтуу.
