БИШКЕК, 18-авг. — Sputnik. Англиянын премьер-лигасынын экинчи турунда "Ливерпуль" менен "Саутгемптон" командаларынын беттеши "Ливерпулдун" пайдасына 2:1 эсебинде аяктады. Бул тууралуу РИА Новости жазды.
Экинчи таймдын жүрүшүндө "Ливерпуль" командасынын дарбазачысы Адриан одоно ката кетирди. Ал келген топту тебем деп жатып алдында турган каршылаш команданын оюнчусуна салып берип койгон. Жыйынтыгында ал эч кандай кыйынчылыгы жок эле бир гол киргизип салды.
Oh dear Adrian! pic.twitter.com/ladHaaYSMs
— The Kopite (@TheKopiteOFF) 17 августа 2019 г.
Англиянын чемпионатынын экинчи турунан кийин "Ливерпуль" алты упай топтой алды. Буга чейин алар "Челси" командасын пенальти тебүүдөн утуп, УЕФАнын суперкубогун утуп алышкан.
