БИШКЕК, 5-авг. — Sputnik. Мургабдык кыргыздар Тажикстанда көчмөндөрдүн фестивалын өткөзөт. Бул тууралуу уюштуруучулар билдиришти.
Маалыматка ылайык, иш-чара 10-11-августта Мургаб районунда болот. Анда этникалык кыргыздар эр оодарыш, кыз куумай, көк бөрү, тыйын эңмей, аркан тартыш боюнча түрдүү мелдештерге катышмакчы.
Мындан сырткары, фестиваль кыргыз элинин улуттук ыр-күүлөрү менен коштолору маалым болду.
