Казакстанда КамАЗ менен жеңил унаа кагышып, Кыргызстандын эки жараны каза болду

© Sputnik / Евгений ОдиноковКамаз унаасы. Архивдик сүрөт
Камаз унаасы. Архивдик сүрөт - Sputnik Кыргызстан
Жазылуу
Кыргызстандын дагы үч жаранынын абалы оор. Алар дарыгерлердин көзөмөлүндө.

БИШКЕК, 1-авг. — Sputnik. Казакстандын Кызыл-Ордо облусунда КамАЗ менен жеңил унаа кагышып, эки киши каза болду. Бул тууралуу Tengrinews.kz басылмасы жазды.

Каракол шаарында минивен токтоп турган Subaru Forester автокөлүгүн сүзүп, кырсыктан аял каза таап, сегиз жаштагы небереси ооруканага жеткирилди - Sputnik Кыргызстан
Караколдогу жол кырсыкта бир аял каза таап, небереси жабыркады. Сүрөт
Ага ылайык, жол кырсыгы "Оазиз" комплексинин алдында болгон. Кырсык болгон жерде төрт киши каза болуп, бирөө ооруканадан үзүлгөн.

Каза болгондордун экөө Кыргызстандын жараны, дагы үчөөнүн абалы оор экени маалыматта айтылат.

Кызыл-Ордо облустук полициясынын маалыматы боюнча, КамАЗ Түркестанга кетип бараткан. Toyota үлгүсүндөгү автоунаада Кыргызстандын жарандары болгон. Учурда аталган факты боюнча кылмыш иши козголуп, тергөө амалдары башталды.

"Бүгүнкү күнү КамАЗдын айдоочусуна кылмыш иши козголду. Алдын ала маалымат боюнча ал жол эрежесин бузган. Башкача айтканда, жеңил унаага жол бошоткон эмес. Эгер анын күнөөсү далилденсе беш жылдан он жылга чейин эркинен ажыратылышы ыктымал", — деп Кызыл-Ордо облустук полициясынын тергөө башкармалыгынын жетекчисинин милдетин аткаруучу Амиржан Утегенов түшүндүрмө берген.

Кырсык болгон жерде үч тез жардам унаасы келген.

Виджет news
Жаңылыктар түрмөгү
0