БИШКЕК, 1-авг. — Sputnik. Жогорку Кеңештин депутаты Абдывахап Нурбаевдин атасы Мамадрасул Нурбаев дүйнө салды. Бул маалыматты эл өкүлүнүн жардамчысы тастыктады.
Анын айтымында, депутаттын атасы 86 жаш курагында бүгүн, 1-августта, түшкө жакын жүрөгү кармап көз жумган. Мамадрасул Нурбаевдин тажыясы кичи мекени Ош шаарынын Жапалак айыл аймагына караштуу Гүлбар-Төлөйкөн айылында өтөт.
Акыркы сапарга узатуу зыйнаты жума күнү саат 10.00дө башталат.
