БИШКЕК, 31-июл. — Sputnik. Чым-Коргон айылындагы психиатриялык ооруканадан качып кеткен бейтап табылды. Бул туурасында Чүй облустук милициянын маалымат кызматы билдирди.
Белгилей кетсек, 26-июлда аталган ооруканада дарыланып жаткан 20 жаштагы жигит качып кеткен. Чүй облустук милициясы бейтап 2018-жылы соттун чечими менен Чым-Коргондогу психиатриялык ооруканага милдеттүү дарылануу үчүн жиберилгенин билдирген.
"Бейтап Милянфан айылынан апасынын жумушуна келгенде кармалган. Ал буга чейин уурулук кылганы үчүн соттолуп, илдетинен улам дарылануу үчүн аталган ооруканага жиберилген", — деп айтылат маалыматта.
Байтаптын ооруканага кайтарылганы кабарланды.
