БИШКЕК, 26-июл. — Sputnik. Түркиялык окутуучу Мустафа Аксой Стамбулдан Бишкекке чейин велосипед менен жеткендигин Daily Sabah жазды.
35 жаштагы дене тарбия мугалими баш-аягы 5747 чакырым жолду 80 күндө басып өткөн.
Окутуучу журналисттерге берген маегинде суткасына 85 чакырымдан жол жүргөндүгүн айткан.
10 yıllık Kırgızistan hayali için 5 bin 747 kilometre pedal çevirdi
— TRT AVAZ (@trtavaz) 22 июля 2019 г.
İstanbul'dan Bişkek'e 80 gün pedal çevirerek ulaşan bisiklet tutkunu Mustafa Aksoy, "Ana yurttan ata yurduna bisikletle gelmeyi 10 yıl boyunca hayal ettim." dedi.https://t.co/KV34JJ8qLW pic.twitter.com/x8cnMTflBR
"Мен Бишкекке келдим, себеби бул жер менин ата-бабаларымдын мекени. Аталган сапарга чыгууну 10 жылдай кыялдангам", — деп түшүндүргөн Аксой.
Ал жооптуу жолоочулуктун алдында ар бир чакырым жерди алдын ала карап, эсептеп чыккандыгын айтып берген.
"Бишкекке пландаган 99-100 күндөн эртерээк келдим", — деген ал.
Мугалим эми жол сапарын жазууга камданып жаткандыгын кошумчалады.
