БИШКЕК, 21-июл. — Sputnik. Президент Сооронбай Жээнбеков 20-июлда Ош облусунун Алай районундагы алыскы Сары-Таш жана Күн-Элек айылдарына барып, элди түйшөлткөн маселелер менен таанышты. Бул тууралуу мамлекет башчынын маалымат кызматы кабарлады.
Айылдыктарды түйшөлткөн негизги маселелердин бири — мектеп көйгөйү экени айтылды.
"Сары-Таш айылындагы №39 орто мектеп авариялык абалда, Күн-Элек айылында мектептин жаңы имаратынын курулушу кечеңдөөдө", —деп айтылат билдирүүдө.
Ошондой эле тургундар медициналык кызмат көрсөтүүчү мекемелердин жана алгачкы жардам көрсөтүүчү дарыгерлердин жоктугуна даттанышты.
Мындан тышкары, мамлекет башчы тургундар көтөргөн бардык маселелер боюнча тийиштүү мамлекеттик жана жергиликтүү бийлик органдарына тапшырма берилерин кошумчалады.
