БИШКЕК, 19-июл. — Sputnik. Пекинде чоң ата капысынан бир айлык небересинин чарчап калышына себепкер болду. Бул тууралуу AsiaOne басылмасы жазды.
Кайгылуу окуя ымыркайдын бир айлыгын майрамдоо учурунда болгон. Бөбөктүн чоң атасы аны көтөрүп алып каалоо-тилек айтып жатканда, коноктордун бири тамаша иретинде "ал майрамдын күнөөкөрү менен чогуу арак ичиши керектигин" айткан. Чоң ата кармап турган бокалдагы ичимдиктен ымыркайга ууртатып койгон. Муну көргөн келини ачуусу келип, кайнатасынын колунан баласын тартып алган.
Тилекке каршы, жарым сааттан кийин ымыркай дем албай калган. Аны тезинен ооруканага алып барышканы менен дарыгерлер жардам бере алган эмес. Ооруканадан наристе алкоголго ууланган деген корутунду чыгарып беришкен.
Баласы чарчап калганын билген жаалданган келин кайнатасын сабап салган.
