БИШКЕК, 1-июл. — Sputnik. 2-июлда күндүз кээ бир тоолуу райондордо өткүн өтүп, күн күркүрөшү мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрге жетет.
Маалыматка ылайык, абанын температурасы Чүйдө +32…+37, Таласта +31…+36, Баткен, Ош жана Жалал-Абад облустарында +32…+37 градуска жетет.
Ысык-Көл жана Нарын аймагында +25…+30 градус ысык болот.
Ал эми Ошто күндүн табы +33…+35, Бишкекте +35…+37 градуска чейин көтөрүлөт.
