БИШКЕК, 27-июн. — Sputnik. Польшанын Рыбник шаарында 68 жаштагы кемпир унаа айдаганды үйрөнүп жатып инструкторду кагып өлтүрүп алды. Кырсык экзамен берүү учурунда болгонун TVP Info аттуу жергиликтүү телеканал билдирди.
Окуя 24-июнь күнү болгон. Полициянын маалыматына караганда, башка окуучу менен иштеп жаткан 35 жаштагы инструкторду унаа менен койдуруп кеткен. Жабырлануучу ошол жерден жан берген. Анын өлүмүнө себепкер болгон кемпир ушул убакка чейин шок абалынан чыга албай жатканы кошумчаланды.
Учурда укук коргоо органдары видео көзөмөл аркылуу окуянын кандайча болгонун текшерип жатат.
