БИШКЕК, 23-июн. — Sputnik. Чүй облусунун көчмө клиникасы Жумгал районунун Туюк-Суу, Өрнөк, Миң-Куш айылдарында медициналык акысыз текшерүүлөрдү жүргүзүп баштады. Бул туурасында Саламаттык сактоо министрлигинен кабарлашты.
22-июнь күнү эле ак халатчандарга 100гө чукул киши кайрылган.
Ал эми бүгүн Миң-Куш айылына саламаттык сактоо министри Космосбек Чолпонбаев барып, мобилдик клиниканын жашоочуларды текшерип жатканын көрдү.
Жашоочулары офтальмолог, отоларинголог, эндокринолог, кардиолог, педиатр, гинеколог, невропатолог, маммолог, уролог өңдүү атайын багыттагы адистердин консультацияларын алып, УЗИ жана СПИДге экспресс-тестирлөө тапшыра алат.
Министрлик бардык каалоочуларды текшерүүдөн өтүүгө чакырат. Көчмө мобилдүү клиникалардын жер-жерлерге чыгуу графигин үй-бүлөлүк медицина борборунан тактап алууга болот.
