БИШКЕК, 23-июн. — Sputnik. "Зеленхоз" муниципалдык ишканасы шаар мүлкүн бүлгүнгө учуратпоо өтүнүчү менен балдарга кайрылды.
Маалыматка ылайык, майдын аяк ченинде жаңы ачылган этносквердеги жыгач комуздардан жазуулар табылган. "Зеленхоздун" кызматкерлери "Аделя + Эмир", "Малика" жана башка ушул сыяктуу жазууларды балдар калтырып кетишкен деген пикирде. Анда инсталляция жасалган жыгачтын өзү эмес, үстүндөгү лагы эле жабыркаганы айтылган.
19-июнь күнү жумушчулар ушул эле жазуулардын тереңирээк чегилгенин, инсталляциянын жабыркаганын көрүшкөн.
"Зеленхоз" балдарга мындай кылык-жоруктун кесепеттүү экенин түшүндүрүүгө чакырды.
