БИШКЕК, 3-июн. — Sputnik. Англияда өз кесибине берилип, бул тармакта ийгилик жараткан он инженер-химикти Инженер-химиктер институту (IChemE) медаль менен сыйлады.
Алардын арасында илимдин доктору, кыргызстандык Асел Сартбаева дагы бар.
Congratulations to all the winners of our medal and prizes! They were presented with their prizes at a special ceremony in Birmingham. Thank you for your outstanding contributions to the profession. Read more on the winners: https://t.co/nU4R7rTexp pic.twitter.com/lJtlCCMsKw
— IChemE (@IChemE) 24 мая 2019 г.
IChemE өзгөчөлөнгөндөргө жыл сайын сыйлык тапшырып келет. Алардын берген баасы химия технологиясы тармагындагы эң абройлуу премия болуп саналат.
Кыргызстандык окумуштуу өз эмгегинде вакциналарды атайын муздатуучу жабдууларсыз эле инновациялык жол менен ташыса болорун иликтеген. Сартбаева учурда Улуу Британияда жашап, Бат университетинде профессор болуп иштейт. Учурунда ал Кембридж жана Оксфорд университеттеринде эмгектенген.
