"Бишкек сегодня" Telegram тайпасынын мүчөсү Honda Fit менен жүк ташуучу автоунаанын кагышкан учуру тартылган видеону салды. Жол кырсыгы Бишкектин Токомбаев менен Тыналиев көчөлөрүнүн кесилишинде болгон.
Жол кырсыгы 11-майда болжол менен саат 14:40тар чамасында болгон. Бишкек шаардык ЖКККБнын маалымат катчысы Адилет Кыдырбаевдин айтымында, жол кырсыктан жеңил автоунаанын айдоочусу (кыз) жабыркаган.
Видеодо Honda машинасы Токомбаев менен күн батышты көздөй баратып, Тыналиевден түштүк тарапты карай бурулуп жатканда катуу ылдамдыкта келе жаткан жүк ташуучу автоунаа кагып, бир нече метр жерге чейин сүрүп барган. Видеодо жүк ташуучу автоунаа жол чырактын тыюу салган жарыгына карабай өтүп баратканын көрүүгө болот.
