БИШКЕК, 16-май. — Sputnik. 17-май, жума күнү, тоо этектеринде жана тоолуу райондордо жаан жаап, күн күркүрөшү, бийик тоолуу райондордо кар жаашы күтүлөт. Бул тууралуу Кыргызгидромет билдирди.
Өрөөндөрдө жаан-чачын болбойт. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.
Маалыматка ылайык, аба ырайы Чүй жана Талас жергесинде +22...+27 градус, Ысык-Көл аймагында +20... +25, Ош, Жалал-Абад жана Баткен облустарында +26...+31, ал эми Нарында +20...+25 градус жылуу болот.
Ош жана Бишкек шаарларында күн ачык болуп, абанын температурасы Ошто +29...+31, Бишкекте +25...+27 градус жылуу болору айтылды.
