БИШКЕК, 9-май — Sputnik. Социалдык тармакта вице-премьер Жеңиш Разаков менен өкмөттүн Таластагы өкүлү Мурат Мураталиевдин ардагердин үйүнө бутун чечпей кирип кеткенин сынга алышууда.
Окуянын сүрөтү Facebook менен Instagram тармактарында жайылууда. Сүрөттө аткаминерлер бутун чечпей, ал эми ардагер байпакчан отурганын көрүүгө болот. Интернет колдонуучулар вице-премьерди ардагерди куттуктап келип, бирок бут кийимин чечип кирген президент Сооронбай Жээнбеков менен салыштырышууда.
Посмотреть эту публикацию в Instagram
Жеңиш майрамынын алдында аткаминерлер Талас облусунда жашаган согуштун ардагерлерин куттукташкан. Ал тууралуу маалымат өкмөттүн сайтына 8-майда жарыяланган.
Буга чейин да өкмөттүн Баткендеги мурдагы өкүлү Абиш Халмурзаев менен Кадамжай районунун акими Жаныбек Исаковдун бутун чечпей үйгө кирип кеткени коомчулукта бир топ нааразычылыкты жараткан болчу.
