ОШ, 6-май — Sputnik. Ош шаарында үйүнүн бакчасында өсүп турган теректи кыйып жаткан киши бактын алдында калып каза тапты. Маалыматты Ош шаардык милициясынан тастыкташты.
Ага ылайык, окуя 3-май күнү саат 20:00дөр чамасында калаанын Амир-Темир кичирайонунун 114-көчөсүндө болгон. Бак басып калган киши 35 жашта экендиги белгилүү болду.
Кырсык катталган учурда жабырлануучуну Ош облустук ооруканасынын кабыл алуу бөлүмүнө жеткиришкен. Бирок маркум алган жаракатынан окуя болгон жерден каза болгону аныкталган.
