БИШКЕК, 3-май — Sputnik. Sputnik Кыргызстан маалымат агенттиги жана радиосу Жеңиш майрамынын алкагында жыл сайын өтүүчү "Жеңиш вальсы" акциясынын катышуучуларына Георгий тасмасын тапшырды.
Жеңиштин символун жогорку окуу жайдын студенттери, шаардагы мектептердин окуучулары, Кыргызстан элинин ассоциациясынын жаштар канаты жана чыгармачыл жамааттын өкүлдөрү алышты. Алар "Жеңиш" аянтында даярдыктарын көрүүдө.
"Улуу тарых муундан-муунга берилип жатканына сыймыктанам жана ыраазымын. Чыныгы патриоттуулукту жана достукту эске салган бул күндү жыл сайын татыктуу тосуп алып жатабыз. Бул күндүн символу — Георгий тасмалары", — деди Sputnik Кыргызстан маалымат агенттиги жана радиосунун жетекчиси Елена Череменина.
"Жеңиш вальсы" акциясы "Евразиялыктар - жаңы толкун" фонду тарабынан быйыл бешинчи ирет уюштурулууда. Салтка айланып калгандай, ал 9-майда өтөт.
"Георгий тасмасы" акциясынын идеясы 2005-жылы РИА Новости агенттигинде "Студенттик жамаат" коомдук уюмдун катышуусу менен болгон иш-чарада пайда болгон. Андан бери бул акция бир гана Россияда белгиленбестен, эл аралык деңгээлге чыккан. 2009-жылдан тарта георгий тасмалары Роскызматташуунун өкүлчүлүктөрү жайгашкан чет мамлекеттерге да жайылган.
Аталган акцияны 10 жылдай түрдүү коомдор уюштуруп келген. 2016-жылдан тарта акция миңдеген ыктыярчылардын күчү жана Роспатриотборбордун жана Роскызматташуунун көмөгү менен өтүп, "Россия сегодня" эл аралык агенттиги маалыматтык колдоо көрсөтөт.
Ал эми Sputnik жаңылыктар түрмөгү англис, араб, испан, кытай жана фарс тилдеринде окурмандарга күнү-түнү маалымат жеткирип турат. Sputnik маалымат ресурсунун окурмандарынын саны айына 60 миллиондон ашат.
Дүйнө жүзү боюнча 22 редакцияда ондогон улуттагы миңден ашык адам эмгектенет.
Sputnik "Россия сегодня" медиатобунун курамына кирет. Башкы кеңсеси Москва шаарында.
Sputnik сайттары постсоветтик мамлекеттерде иштей баштагандан тарта өзүнүн контентинин жаңычылдыгы жана технологиялык форматы менен жергиликтүү ЖМКлар арасында алдыңкы орундарга чыкты.
Sputnik порталы жакынкы чет өлкөдө улуттук тилде жана орус тилинде маалыматтарды окурмандарга сунуштайт. Сайттан инфографика, видео, сүрөтбаян, онлайн-эфир, интернет-добуш берүү жана подкасттарды таап окусаңыз болот. Ыкчам маалыматтардан сырткары аналитикалык макалалар жана эксклюзивдүү маектерди таба аласыз.
