Эргешова: кыргыз аттарынын чыдамдуулугуна чет элдиктер өзгөчө баа берет
Ат чабыш федерациясында дээрлик 1000дей мүчө бар. Бул тууралуу Айнура Эргешова Sputnik Кыргызстан радиосунун таңкы эфиринде маек куруп жатып билдирди.
Анын айтымында, спорттун аталган түрү боюнча мелдештер 2014-жылдан бери уюштурулуп келет.
"Ат чабыш оюну - спорттун эң популярдуу түрү. Биздин федерацияда дээрлик 1000дей мүчө катталган. Бул жаатта 2014-жылдан бери жарыштар өткөрүлүп келүүдө. Чет элдиктер кыргыз күлүктөрүнүн чыдамдуулугуна таң калып, өзгөчө баа берет. Ошондой эле алар биздин чабандестер менен аттардын эл аралык аренага чыгуусуна мүмкүнчүлүгү абдан чоң экенин айтышат", — деди Эргешова.
Ал 1-майда Чолпон-Атада ат чабыш оюну боюнча эл аралык турнир болорун кошумчалады.
