БИШКЕК, 28-апр. — Sputnik. 29-апрелде жаан-чачын күтүлбөйт. Бийик тоолуу райондордо жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет маалымдады.
Билдирүүгө ылайык күндүз абанын температурасы Чүй облусунда +18…+23, Таласта +17…+22 градуска жетет.
Ысык-Көлдө күндүн табы +15…+20 градуска чейин көтөрүлсө, Нарында +16…+21 градус жылуу болот.
Ош, Баткен жана Жалал-Абад облустарында абанын температурасы +19…+24 градус.
Ал эми Бишкек жана Ош шаарында жаан-чачын күтүлбөйт. Абанын температурасы эки калаада тең +21…+23 градусту түзөт.
