Бишкекте "Ак илбирс" сыйлыгы тапшырылды. Лауреаттар тизмеси

БИШКЕК, 26-апр — Sputnik. "Ак илбирс" улуттук киносыйлыгы 26-апрелде "Манас" кинотеатрында сегизинчи жолу өтүп, сыйлыктар өз ээлерин тапты.

Анда 12 номинация боюнча өз кесибинин алдыңкылары аныкталды.

2019-жылдагы лауреаттар:

• “Мыкты тасма” номинациясы — Айбек Дайырбеков ("Дарак ыры");
• “Мыкты режиссёр" номинациясы — Айбек Дайырбеков ("Дарак ыры");
• "Мыкты композитор" номинациясы — Жолдошбек Апасов ("Дарак ыры");
• "Мыкты үн режиссёру" номинациясы — Бакыт Ниязалиев ("Дарак ыры");
• "Мыкты монтаж" номинациясы — Элдияр Мадаким ("Дарак ыры");
• "Эркектин мыкты ролу" номинациясы — Аскат Сулайманов ("Такебай");
• "Аялдын мыкты ролу" номинациясы — Таалайкан Абазова ("Дарак ыры");
• "Мыкты даректүү тасма" номинациясы — Жаныш Дадабаев "Ещё раз про любовь" фильми үчүн;
• "Мыкты кыска метраждуу тасма" номинациясы — Данияр Абиров "51+" тасмасы үчүн;
• "Көрүүчүнүн тандоосу" номинациясы — Руслан Акун, Нурбек Айбашов "Көк-Бөрү" тасмасы үчүн;
• "Мыкты сүрөтчү" номинациясы — Максат Болотбеков ("Дарак ыры");
• "Мыкты оператор" номинациясы — Мурат Алиев ("Көк-Бөрү");
• "Мыкты сценарий" — Айбек Дайырбеков, Садык Шер-Нияз ("Дарак ыры");

Дүйнөлүк кинематографикага кошкон өзгөчө салымы үчүн "Ак Илбирс" атайын сыйлыгы менен Манасбек Мусаев жана белгилүү тажик режиссёру Давлатназар Худоназаров сыйланды.

"Борбор Азиянын мыкты тасмасы” сыйлыгы менен казакстандык режиссёр Адильхан Ержанов "Ласковое безразличие мира" эмгеги үчүн сыйланды.

Ал эми “Борбор Азиянын мыкты актёру” деп өзбекстандык Карим Мирхадиев табылса ("Стойкость" тасмасы), казакстандык Динара Бактыбаева “Борбор Азиянын мыкты актрисасы” аталды.