БИШКЕК, 24-апр. — Sputnik. Жогорку Кеңеш Мухаммедкалый Абылгазиев башында турган өкмөттүн 2018-жылы жасаган ишин кароону эртең, 25-апрелде, улантмай болду.
Мындай чечим парламенттин бүгүнкү жыйынында кабыл алынды. Анткени суроо берүү үчүн жазылган эл өкүлдөрүнүн баары иш күн аяктаганча сүйлөгөнгө жетишпей калган.
25-апрелде Жогорку Кеңештин күн тартибиндеги ар кандай маселелердин ордуна депутаттар өкмөттүн отчетун угат.
Эске салсак, бүгүн, 24-апрелде, премьер Абылгазиев өкмөттүн былтыр жасаган иштери боюнча маалымат берди.
