БИШКЕК, 13-апр. — Sputnik. АКШнын Орландо шаарындагы темир жол өтмөгүндө рельске туруп алган жолтандабасты поезд сүзүп кеткен. Бул тууралуу жергиликтүү полиция Twitter баракчасы аркылуу билдирген.
Кырсыктын видеосу социалдык тармакка жарыяланган.
Please obey all traffic laws, especially when approaching railroad crossings. Trying to cross when a train approaches is extremely dangerous. Exercise patience and drive safe. pic.twitter.com/OzvO0WJFBV
— Orlando Police (@OrlandoPolice) 11 апреля 2019 г.
Видеодо көрүнүп тургандай, башка унаалар темир жолдон бат-бат өтүп кеткен. Ал эми жолтандабастын айдоочусу өтмөк жабылайын деп калганда араң кыймылга келип, темир жолдун рельсине туруп алган. Бир саамга чейин токтоп туруп кайра жүрүп баштаган учурда катуу ылдамдыкта келе жаткан поезд капталдан сүзүп кеткен.
Айдоочу оор жаракат алып, ооруканага жаткырылган.
