БИШКЕК, 29-мар. — Sputnik. Польшадагы Чеховице-Дзедзице шаарынын алты жашар тургуну терезеден кулап бараткан наристени сактап калды. Бул туурасында "Известия" жергиликтүү TVN24 маалымат порталына шилтеме кылып кабарлады.
Окуучу короодон достору менен ойноп жатып, терезенин кырында салаңдап асылып турган бөбөктү байкап калган. Бар күчүн жыйнап терезенин темирин кармап турган бала акыры төмөн кулаган. Окуучу бөбөктүн болжол менен үч метрдей бийиктиктен кулап келе жатканда тосуп калууга үлгүргөнүн айтып берген.
Окуя болгон жерге жетип келген полиция үйдүн ичине киргенде наристенин атасы менен энесинин мас экени маалым болгон. Эми баланын энеси беш жылга эркинен ажыратылышы мүмкүн.
