Ишкерлик баштоо үчүн чоң суммадагы акчанын кереги жок. Мындай пикирин Данияр Эмил Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, бизнести алып кетүү үчүн иштин көзүн билүү жана адамдын өзүнө болгон ишеними жетиштүү.
"Көпчүлүк жаштар бир иш баштоодон коркушат. Тайманбастан эле алгачкы кадамды таштоо маанилүү. "Мен бул ишти алып кете албайм го" деген ой көпчүлүк учурда сабатсыздыктан жана ишенимдин жоктугунан жаралат. Бизнес баштоо үчүн тааныш жана акча керек деген жөн гана шылтоо. Эң башкысы, иштин көзүн билүү жана өзүнө болгон ишеним жетиштүү. Акчасы жок туруп чоң ишкерлик жасаса болот. Буга өзүм жана көптөгөн ишкер ага-эжелер мисал боло алат", — деди ал.
Данияр Эмил ийгилик адамдын өз колунда экенин кошумчалады.
