БИШКЕК, 20-мар. — Sputnik. Нооруз майрамына карата 21-март күнү бир нече көчө жабыла турганын Жол кыймылы коопсуздугун камсыздоо башкы башкармалыгы билдирди.
Маалыматка ылайык, Чүй проспектиси Панфилов көчөсүнөн Эркиндик бульварына чейин тосулат. Киев көчөсүнөн баштап Абдымомуновго чейинки Орозбеков, Раззаков, Панфилов көчөлөрү жол кыймылы үчүн жабык болот. Мындан тышкары, "Ак-Кула" ипподрому жайгашкан Термечиков көчөсү Гагаринден Лев Толстойго чейин жабылмакчы.
Майрамдан улам шаар милициясы күчөтүлгөн тартипте кызмат өтөөгө өткөнү айтылган.
Борбордук "Ала-Тоо" аянтында кандай иш-чаралар өтөрүн да билип алсаңыз болот.
