БИШКЕК, 16-мар. — Sputnik. Жаңы Зеландиядагы мечиттеги теракты боюнча айыпталып жаткан башкы шектүү Брентон Таррантка карата сот иштери башталды. Бул тууралуу The New Zealand Herald басылмасы жазды.
Таррант Крайстчерч шаарынын борборундагы Масжид-ан-Нур мечитине кол салып, 41 кишинин өмүрүн алган. Ал бардык аракетин онлайн түрүндө көрсөтүп турган. Теракты алдында ал социалдык тармактагы баракчасына манифест жарыялап, ак терилүү кишилер дүйнөдө үстөмдүк кылышы керек деген идеяны колдой турганын жана Европада мусулмандарга каршы терактыларды уюштурууга чакырган.
Extremist Brenton Tarrant appears in New Zealand court charged in mosques terror attack, enters no plea. #NewZealandMosqueAttack pic.twitter.com/1pGhFv8aAj
— Munib Ahmed Butt (@MR_DeViL_words) 16 марта 2019 г.
Алгачкы сот отуруму Крайстчерч шаарында өтүп, жыйын болгону бир мүнөткө созулган. Сот аны адам өлтүрүүгө айыптоо үчүн өкүмдү окууга ушунча убакыт талап кылынган.
Негизги айыпталуучу өкүнбөгөнүн жана сүрөткө тартып жаткан учурда улутчулдардын белгилерин көрсөткөн. Бул аракетинен кийин аны сот залынан жактоочусуна сөз бербестен алып чыгып кетишкен. Кийинки сот 5-апрелде өтөт.
Why is @BBCWorld censoring Brenton Tarrant's face in the news. Did they do this with any other terrorist before. Maybe he doesn't look like a 'real' terrorist. pic.twitter.com/cuU9sbe7EH
— Richard Harris (@HarrisRichard77) 15 марта 2019 г.
Акыркы маалыматтар боюнча атайылап уюштурулган терактыдан 50 киши каза болду. Анын 41и Крайстчерч шаарындагы мечиттеги кыргын учурунда өлсө, жети киши Линвуд шаарынын четиндеги мечитте каза тапкан. Эки киши ооруканадан үзүлгөн. 50дөй киши түрдүү жаракаттарды алган. Эки мечит бир-биринен 5 чакырым алыстыкта жайгашкан.
