БИШКЕК, 14-мар. — Sputnik. Кыргызстандын президенти Сооронбай Жээнбеков Тажикстандын президенти Эмомали Рахмон менен телефондон сүйлөшкөнүн өлкө башчысынын маалымат кызматы билдирди.
Сүйлөшүүнүн жүрүшүндө эки жетекчи кыргыз-тажик чек арасындагы түзүлгөн кырдаалды талкуулашкан.
Сооронбай Жээнбеков жана Эмомали Рахмон объективдүү иликтөө жүргүзүү жана келечекте мындай абалды болтурбоо үчүн биргелешкен комиссия түзүү керектигин жана ошондой эле мамлекеттик чек араны делимитация процессин аяктоо боюнча сүйлөшүүлөрдү активдештирүү зарылдыгын белгилешти.
Эки президент эки өлкөнүн эли тынчтыкта жана достукта гана жашашы керек деген бирдиктүү пикирин билдиришти.
