Үйлөрдүн жанында газ саткан унаалардын токтошуна жана газды саттырууга уруксат бербеш керек. Бул тууралуу Бейшенбай Жанбоев Sputnik Кыргызстан радиосунун таңкы эфиринде маек куруп жатып билдирди.
Анын айтымында, мындай унаалардын газын саттырбай коюуга алардын укугу жок.
"Биз инспекция болгондон кийин элдин коопсуздугу үчүн такай аракет кылышыбыз керек. Маал-маалы менен текшерүү жүргүзүп коюу аздык кылат. Эрежелерди бузган фактыларды көрөр замат ошол жерден түшүндүрүү иштери жүргүзүлүп, айыпка жыгылат. Кыймылда болуп газ саткан унааларды Эреже бузуулар боюнча кодекске киргизиш керек. Ансыз аны саттырбай коюуга биздин укугубуз жок", — деди Жанбоев.
Ал ага чейин түшүндүрүү иштери такай жүргүзүлө берерин, ошондой эле газ саткан унаалар үчүн атайын унаа токтотучу жай ачуу шарт экенин кошумчалады.
