БИШКЕК, 13-мар. — Sputnik. Америкалык Forbes журналы миллиардерлер эң көп жашаган дүйнө шаарларын тизмектеди.
Биринчи орунда жалпы эсеп менен байлыгы 364,6 миллиард доллардан ашкан 79 адам жашаган Нью-Йорк шаары турат. Экинчиге 68 миллиардер менен Гонконг чыкты. Алардын байлыгы 261,3 миллиард долларга бааланды.
Өзүнө байларды батырган жагынан үчүнчү орунду Москва ээледи. Бул шаардагы 60 миллиардердин байлыгы 270,6 миллиард доллар экен.
"Бай" шаарлардын бештигин Пекин менен Лондон жыйынтыктады. Тизмеге алардан ташкары, Шанхай, Сан-Франциско, Шэньчжэнь, Сеул жана Мумбаи кирди.
