БИШКЕК, 8-мар. — Sputnik. Квинсленд (Австралия) штатындагы Мишен Бич шаарынын тургуну аябай чоң питон анын үйүнүн короосуна чейин келип кенгуруну бүкүлү жутууга аракет кылганын айткан. Бул туурасында ABC News порталы жазды.
Scrub python bites off more than it can swallow. #Straya pic.twitter.com/yq2SyoJtwp
— Kriso (@krisjames1978) 7 марта 2019 г.
Лиза Дилани унаасы менен үйүнө келгенде чоң питондун оозуна тыгылып турган кенгуруну көргөн. Ошол учурду ал сүрөткө тартып калууга да жетишкен.
QLD: Mission Beach property a Scrub Python [Amethystine] spotted trying 2 devour a wallaby [Photo 1-3 by Lisa Delany] A month ago 40kg 5.5mtr python trying 2 eat another wallaby [Photo 4 by Megan Prouse] https://t.co/xH5yQYmiQu pic.twitter.com/8NEKAJocqL
— Jo-Anne Wiszniewski (@jnw62) 8 марта 2019 г.
"Питон кенгуруну муунтуп өлтүрүптүр, андан соң жутууга аракет кылды. Бирок жута албай көпкө чейин кыйналды. Күн ысып кеткендиктен жыланга боорум ооруп кетти. Жардам берүүнү чечип, чоң чатырды коюп күн тийбегидей кылып бердим", — деп айткан үйдүн ээси Дилани.
Аметист питондору Австралиядагы жыландардын эң чоңу болуп саналат. Анын узундугу алты метр, салмагы 30 килограмм. Мындай питондорго ит, мышык, тоту куш жана тоок сыяктуу үй жаныбарлары көп учурда жем болуп калат.
