БИШКЕК, 8-мар. — Sputnik. Бишкек шаарындагы Onthewake спорт комплексинде 8-марттан 10-мартка чейин аскага чыгуу боюнча ачык чемпионат өтөт. Бул тууралуу мэриянын маалымат кызматы билдирди.
Ага ылайык, катышуучулар аскага ылдам чыгуу, тоскоолдуктардан өтүү жана боулдеринг боюнча күч сынашат.
Мелдешке 2003, 2004, 2005 жана 2006-жылы туулгандар катыша алат.
Иш-чараны Бишкек шаарынын Дене тарбия жана спорт башкармалыгы менен Альпинизм федерациясы уюштуруп жатат. Жеңүүчүлөр Ардак грамота жана баалуу белектер менен сыйланат.
