"Акыркы убакта Кыргызстанда чөөлөр малга кол салган учур көбөйүп кетти. Жада калса адамдарга кол салган учурлар да болгону тууралуу угуп жатабыз. 2018-жылы чөөлөр 25 пайызга көбөйүптүр. Бүгүн коркунучтуу абалда турат. Алар талаадагы кыргоол, чил, өрдөк, коён дегендин баарын кырып бүттү. Малга кол салуулар көбөйдү", — деди ал.
"Чөөлөр бүгүн резиденциянын аймагында улуп жатканын айтып жатышат. Өкмөт башчы угуп жатса керек ошону. Биз эки буттуу чөөлөр менен күрөшөбүз деп жүрүп, төрт аяктуу чөөлөрдү унутуп калдык окшойт. Бул аябай коркунучтуу болуп, элдин жүрөгү түшүп жатат, чөөлөр адам ыйлагансып түнү менен улуп чыгат", — деди Сулайманов.
Эл өкүлү, мындан тышкары, 2018-жылы жырткыч жаныбарлар жарандарды 50 миллион сомго чыгым кылса, мамлекет аларга каршы күрөшүү үчүн болгону 6 миллион сом караганын айтты.
